ابني قال لي
بقلم/ عادل محمود
ابني قال لي
رسينى يابا
الدنيا ليه قلّابة
قلت: طول ما أنت
عايش يا إبنى
هتشوف
ناس تشوفها
من برا تقول
الشكل مألوف
وأول ما تتعرى
تبان على المكشوف
الدنيا يا ابنى غابة
أسود على ديابة
راح زمن الطيابة
تاهوا فيها الغلابة
الدنيا يا ابنى وحوش
تمنك فيها بالقروش
والفقير دايماً
مالوش نصيب
وسط الوحوش
الدنيا بقت وسايط
فيها كتير مكايد
ما فيش فيها مُحايد
وكله بالفوايد
